इटहरी । प्रदेश नम्वर १ सभाकी उपसभामुख शारदा पोखरेलले इटहरी उपमहानगरको प्रकोप व्यवस्थापन कोषमा ५० हजार सहयोग गर्नुभएको छ ।
उहाँले सो रकम इटहरी उपमहानगर कार्यालयमै आएर उपमहानगर प्रमुख द्वारिकलाल चौधरी र उपप्रमुख लक्ष्मी गौतमलाई हस्तान्तरण गर्नुभयो । इटहरी उपमहानगरले स्थापना गरेको प्रकोप ब्यवस्थापन कोषमा उपसभामुख पोखरेलले व्यक्तिगत तवरबाट ५० हजार सहयोग गर्नुभएकोमा सम्पूर्ण नगरवासीको तर्फबाट प्रमुख चौधरीले उहाँलाई धन्यवाद ज्ञापन गर्नुभयो ।
