काठमाडौं । संसदमा अर्थ मन्त्री युवराज खतिवडाद्वारा प्रस्तुत विनियोजन विधेयक, २०७७ का सिद्धान्त र प्राथमिकतामा सुझाव दिने सिलसिलामा सांसद रामकुमारी चौधरीले सांसद बिकास कोषमा छुट्याउदै आएको रकम कोरोना कोषमा लगाउनु पर्ने सुझाव दिनु भएको छ ।
कोभिड–१९ ले विश्व भरी नै मानव जातीलाई बिनास गर्नेगरि महामारी फैलिरहेको सन्दर्भमा नेपाल सरकारको तयारीमा भने अपुग रहेको उहाँको भनाई छ । अहिले नेपाल सरकारले कोरोना परिक्षण एक दिनमा १८०० जनाको दरले मात्रै गरिरहेको र अहिलेकै गतिमा मात्रै परिक्षण गरे ३ करोड नेपालीलाई परिक्षण गर्न बर्षौ लाग्ने सांसद चौधरीले बताउनु भयो ।
परिक्षणलाई तिव्र गतिमा अघि बढाउनु पर्ने आवश्यकता रहेको उहाँको भनाई छ । अहिलेको कोरोना संकटमा सहयोग नगर्ने निजी अस्पतालहरुलाई सरकारीकरण गर्नु पर्ने उहाँको अर्को सुझाव छ । आउदो आर्थिक बर्षमा बिलासीताका वस्तुहरु किन्नमा सबै नेपालीहरुलाई रोक लगाउनु पर्ने उहाँको थप सुझाव छ ।
भएको पुँजीलाई कृषि, उद्योग कलकारखानामा लागानी केन्द्रित गर्नु पर्ने सुझाव दिनु हुदै उहाँले परम्परागत बजेट बिनीयोजन प्रणालीको अन्त्य गरी समाजबाद उन्मुख प्रणालीको विकास गर्नु पर्ने बताउनु भयो ।
