काठमाण्डौ । सरकारले अर्थतन्त्रलाई आत्मनिर्भर र रोजगारमुखी बनाउनु पर्ने भन्दै सांसदहरुले आ–आफ्नो धारणाहरु ब्यक्त गरेका छन् ।
प्रतिनिधिसभाको बैठकमा आब २०७७÷७८ का लागि विनियोजन विधेयकका सिद्धान्त र प्राथमिकता (कर प्रस्ताब बाहेक) सम्बन्धमा छलफल भएको छ । छलफलमा भाग लिँदै सवै सांसदहरुले कोभिड–१९ ले पारेको नकारात्मक असरलाई पनि ध्यानमा राखेर आर्थिक विकासका योजना अघि बढाउनु पर्ने कुरा धारण राखेका छन् ।
अर्थमन्त्रि डा. यूवराज खतिवडाले पेश गरेको बिधेयक आफैमा महत्वपुर्ण रहेको बताउँदै सांसदहरुले यसलाई बढि प्रभावकारी बनाएर बजेट ल्याउनु पर्ने छलफलमा सहभागी सांसदहरुले सुझाएका छन् । सांसदहरुले मुलुको आर्थिक सम्मृद्धिलाई रोक्न नहुने भन्दै यसलाई अझ परिस्कृत र परिमार्जन सहित आर्थिक सुधारमा केन्दित हुँदै वर्तमान अवस्थाको मूल्यांकन गरेर आगामी रणनिति बनाउन सरकारलाइ सुझाव दिएका छन् ।
“लोकप्रियताका नाममा भकारी भत्काउने गरी लैजानु हुँदैन, अर्थतन्त्रलाई चलायमान, गतिशिल र उत्पादनमूलक क्षेत्रमा लैजानुपर्छ”, भन्दै पूर्वसञ्चार तथा सूचना प्रविधिमन्त्री गोकुलप्रसाद बाँस्कोटाले मुलुकमा कोरोनाको प्रभावका बीच चाँदीको घेरा देख्न छाड्न नहुने बताउँदै मुलुकले तिब्र आर्थिक विकासको लक्ष्य छाड्न नहुनेमा जोड दिनुभयो ।
बर्तमान अवस्थामा निजी क्षेत्रलाई संगै लिएर हिड्नु पर्ने र निजी क्षेत्रले पनि इमान्दारीता देखाउनु पर्ने धारणा राख्दै वर्तमान आर्थिक संकटका बेला लोकपृय कार्यक्रम भन्दा सामाजिक सुरक्षाका निम्ति मुलुकले थेग्न सक्ने खालको आर्थिक कार्यक्रमहरु ल्याईनुपर्ने सांसद बाँसकोटाको भनाई थियो ।
त्यसैगरी अनुत्पादक क्षेत्रमा लगानी नगरिने भन्ने कुरा बिधेयकमा आएको भन्दै सांसद रामकुमारी झाँक्रीले त्यसको सराहना गर्दै उद्यमशीलता बचाईराख्न, स्वदेश फर्किने नेपालीहरुलाइ रोजगारी दिन, भाोकमरी आउन नदिन के गर्ने ? के कस्ता निती ल्याउने भन्ने कुरामा झाँकीले सरकारको ध्यानाकर्षण गराउनु भएको छ । साथै कृषि क्षेत्रको बिकाशमा ध्यान दिनुपर्नेमा पनि उहाँले जोड दिनुभएको छ ।
त्यस्तै सांसद पूर्णकुमारी सुवेदीले कोरोना परिक्षणको दायरा बढाउनुपर्ने, स्वास्थ्यकर्मीको मनोवल बढाउन प्रोत्साहन प्याकेज ल्याउन आग्रह गर्दै उहाँले श्रमिक किसानलाई सहुलियतको रकम र अनुदान उपलब्ध गराउन पनि आग्रह गर्नुभयो ।
सांसद उमा रेग्मीले कोरोना प्रभावको रोकथाम र प्रभाबित अर्थतन्त्रलाई उकास्नमा जोडदिनु पर्ने बताउनु भएको छ । कृषि पशुपालन, उद्योग पर्यटन बिकाश संगै रोजगारीलाइ बिषेश प्राथमिकताकामा राखिनुपर्ने र उत्पादित कृषि उपजको बजारीकरणमा समेत ध्यान दिनुपर्ने वताउनुभएको छ ।
