जनकपुरधाम । प्रदेश नम्बर २ मा कोरोना भाइरसको रोकथाम र उपचारमा थप सहयोग पु¥याउन नर्सिङ क्याम्पसको हातामा लेभल–२ को ‘कोरोना विशेष अस्पताल’ सञ्चालनमा ल्याइएको छ ।
प्रदेश सरकारले सञ्चालन गरेको सो विशेष अस्पतालमा सम्भावित कोरोना सङ्क्रमित गर्भवतीको प्रसूति साथै शल्यक्रिया गर्नेसमेत व्यवस्था छ । ५० श्ययाको अस्पतालमा आठ श्ययामा आइसीयूको व्यवस्था रहेको सामाजिक विकास मन्त्रालयका सचिव डा. रामप्रसाद घिमिरेले जानकारी दिनु भयो ।
जनकपुरधामस्थित प्रादेशिक अस्पतालमा सञ्चालित लेभल–१को सो कोरोना अस्पतालबाट सिफारिस गरिएका मध्यम, जटिल र अतिजटिल बिरामीको सो विशेष अस्पतालमा उपचार हुने उहाँको भनाई छ ।
यसका साथै विशेष अस्पताल सञ्चालन गर्ने प्रदेश सरकारको नीतिअनुरुप पर्साको पोखरिया–४ स्थित अस्पतालमा आठ श्ययाको आइसोलेसनकक्ष पनि सञ्चालन गरिएको छ ।
