इटहरी । इटहरी क्षेत्रमा रहेर विपतका घडीमा सामाजिक कार्यमा सक्रियतापूर्वक योगदान गर्दै आएको क्वीक रेस्क्यु टिम नेपालले ताप्लेजुङ्गको फुङलिङ्गं बजारका अग्नी पीडितहरुलाई राहत सामाग्री पु¥याएको छ ।
गत शुक्रबार राति ताप्लेजुङ्ग सदरमुकाम फुङलिङ्गं बजारमा भएको आगलागी पीडितहरुका लागि इटहरीबाट खाद्यान्न ओढ्ने लगायतका राहत सामाग्री लिएर पुगेको क्वीक रेस्क्यु टिम नेपालले २९ परिवारलाई राहत सामाग्री ताप्लेजुङ्ग इसाइ समाजको सहयोगमा हस्तान्तरण गरेको हो ।
लकडाउनको समय भएपनि अग्नी पीडितहरुलाई केही सहयोग उपलव्ध गराउने लक्ष्यसहित अग्नी पीडित क्षेत्र पुगेर चामल, ब्लांकेट, चिनी, खाने तेल, नुनजस्ता उपभोग्य वस्तुहरु उपलव्ध गराएको क्वीक रेस्क्यु टिम नेपालका अध्यक्ष विक्रम बर्णवास एक्तेनले जानकारी दिए । उनले अग्नी पीडितहरुलाई प्रतिपरिवार २ वटा व्लांकेट, १५ केजी चामल, १ केजी चीनी, १ केजी नुन, १ लिटर खाने तेल, १ केजी दाल वितरण गरेको हो । बिभिन्न ईसाइ समाजका पदाधिकारीहरुबाट संकलन गरिएको रकम ६४ हजार ३ सय ६० रुपौया बराबरको सामाग्रीहरु हस्तान्तरण गरेको अध्यक्ष एक्तेनले बताए ।
