इटहरी । इटहरीमा विहान सात वजे देखि दश वजे सम्म खाद्यान्न, तरकारी र फलफुलका पसल खुल्ला गरिने भएको छ ।
म्ंगलबार इटहरी उपमहानगरपालिकाका नगर प्रमुख द्वारिकलाल चौधरीको अध्यक्षतामा वसेको वैठकले जिल्ला सुरक्षा समितिसँग वैशाख १७ देखि विहान सात वजे देखि दश वजे सम्म खादयान्न, तरकारी र फलफुका पसल खुल्ला गर्न अनुरोध गर्ने निर्णय गरेको हो ।
वडाध्यक्षहरु, प्रहरी प्रशासन, उद्योग वाणिज्य संघ र नागरिक समाज समेतको सहभागितामा भएको वैठकले विहान तीनघण्टा खुल्ला गर्ने निर्णय गरिएको हो । सवारी साधन प्रयोग नगरि एक परिवारवाट एक जना मात्र खरिदका लागि सम्वन्धित पसल सम्म आउजाउ गनुपर्ने निर्णय भएको छ ।
तोकिएको समयमा खरिद विक्री गर्दा सामाजिक दुरी कायम गरे नगरेको जनप्रतिनिधि, उद्योग वाणिज्य संघ र प्रहरी प्रशासनले अनुगमन गरिने छ । औषधी पसल सदाझै २४ सै घण्टा सञ्चालन हुने छन् । तोकिएको समय सीमालाई कडाइका साथ पालना गर्न अनुरोध गरिएको छ ।
