धनकुटा । धनकुटाको धनकुटा बजार र हिले बजारका केही घर धनीहरुले घर भाडा मिनाहा गरिदिएको धनकुटा उद्योग बाणिज्य संघले जनाएको छ ।
धनकुटा उद्योग बाणिज्य संघले कोरोना भाईरसलाई नियन्त्रण गर्न सरकारले लगाएको लक डाउनकाकारण व्यापार व्यावसाय बन्द भइ व्यावसायीहरुलाई ठूलो संकट भएकाले घर धनी महानुभावहरुलाई घर मिनाहा गरीदिन र व्यापारी, व्यावसायी र उद्योगीहरुलाई बैकको ऋणको व्याज छुट गरी दिन हुन बैक लगायत सवै वित्तिय संस्थाहरुलाई लक डाउन शुरु भएपछि नै आग्रह गरेको धनकुटा उद्योग बाणिज्य संघका अध्यक्ष विजय सन्तोषी राईले बताए ।
धनकुटा नगरपालिका वडा नं. ६ का पूर्णकृष्ण श्रेष्ठले उहाँको घरमा रहेको विराट पुस्तक पसलको भाडा र अन्य घरमा भाडामा बस्दै आएकाहरुलाई समेत लक डाउन अवधिभरको सम्पूर्ण भाडा मिनाहा गरिएको धनकुटा उद्योग बाणिज्य संघका वरिष्ठ उपाध्यक्ष मनकुमारी तितुङ्गले बताइन् ।
यसैगरी धनकुटा नगरपालिका वडा नं. १ हिले बजारका जंग क्षेत्रीले उनको घरमा रहेको आशिष फेन्सी पसललाई लक डाउन अवधिभरको भाडा मिनाहा गरि दिएको र धनकुटा हिलेकै निरबहादुर गोङ्देनले पनि उनको २ वटा घरमा रहेको प्रदीप इम्पोरियम र मनकामना ज्वेर्लसलाई १ महिनाको भाडा मिनाहा गरीदिएको धनकुटा उद्योग बाणिज्य संघका सदस्य व्यावसायी तथा यूवा समाजसेवी शान्ति खड्काले बताइन् ।
लक डाउनका कारण व्यापार व्यावासय पूर्ण रुपमा बन्द भएर व्यावसायीहरु ठूलो मारमा परी संकटमा परेकोले धनकुटा बजार १ जना र हिले बजारका २ जना घर धनीहरुले व्यापारी तथा व्यावसायीहरुलाई घर भाडा मिनाहा गरी ठूलो रातह दिएकोले धनकुटा बजार र हिले बजारका बाकी सवै घर धनीहरुलाई समेत घर भाडा मिनाहा गरी संकटको समयमा सहयोग गरी दु.खमा साथ दिन हुन धनकुटा उद्योग बाणिज्य संघका अध्यक्ष विजय सन्तोषी राईले आग्रह गरेका छन् ।
