विराटनगर । प्रदेश एक सभाले १० करोड रुपिँया बजेट प्रदेश सरकारलाई फिर्ता पठाएको छ ।
कोरोना भाइरस संक्रमणका कारण खर्च हुन सक्ने कार्यक्रम कटौती गरेर बिवरण बुझाउन भएको परिपत्र अनुसार प्रदेश सभाले आइतबार ९ करोड ९९ लाख १७ हजार रुपिँया प्रदेश सरकारको आर्थिक मामिला तथा योजना मन्त्रालयलाई फिर्ता पठाएको हो ।
प्रदेश सभाका प्रवक्ता राजाराम दहालले अनुसार लकडाउन र कोरोना भाइरस संक्रमण जोखिमले गर्दा प्रदेश सभाले खर्च गर्न नसक्ने बिभिन्न कार्यक्रमहरु कटौती गरेर १० करोड बरावरको बजेट रकम प्रदेश सरकारलाई समर्पण गराएको जानकारी गराए ।
चालु बर्ष एक नम्बर प्रदेश सभालाई ३४ करोड ३७ लाख ९९ हजार रुपैया बजेट बिनियोजन भएको थियो ।
प्रदेश १ सरकारको आर्थिक मामिला तथा योजना मन्त्रालयले १५ बैसाख सम्म खर्च नहुने कार्यक्रमहरुको बिवरण बुझाईसक्न मन्त्रालय, बिभाग, कार्यालय र निर्देशनालयहरुलाई परिपत्र गरेको थियो ।
सबैतिरबाट खर्च कटौतीको बिवरण आइसकेपछि प्रदेश सरकारले चालु बर्षको कटौती भएको बजेट कोरोना कोषमा जम्मा गराउने छ ।
कोरोना भाइरस संक्रमण जोखिमले एक नम्बर प्रदेशको सभा ६ चैत २०७६ देखी नै अनिश्चितकालकालागि स्थगित थियो ।
रोकथामकालागि ११ चैतबाट लकडाउन भएपछि ३ बैसाख २०७७ देखी प्रदेश सभाको हिँउदे अधिबेशन औपचारिक रुपमा अन्त भएको थियो ।
