–डि पी ढुंगेल
मोरङ । मोरङको रङ्गेली नगरपालिका–१ स्थित श्री त्रिभुवन माध्यमिक विद्यालय गोहीगाडालाई विद्यालयका पूर्व विद्यार्थी सूर्यबहादुर खड्काले २४ सेट खेलकुद जर्सी भलिवल चार थान नि क्याप लगायतका विभिन्न खेलकुद सामाग्रीहरू सहयोग गरेका हुन् ।
मङ्गलबार विद्यालयका खेलकुद शिक्षक बिजय प्रभात खवासलाई विद्यालयका प्रधानाध्यापक केशरबहादुर बानियाँ र सहायक प्रधानाध्यापक टंकबहादुर खत्रीलाई हस्तान्तरण गरिएको हुन् । विद्यालयका पूर्व विद्यार्थी सूर्यबहादुर खड्का २०६९ सालको (तत्कालीन एस एल सी) माध्यमिक शिक्षा परीक्षामा प्रथम श्रेणीमा विद्यालय प्रथम भएका थिए । उनले कक्षा ११ र कक्षा १२ विराटनगर स्थित मेरिल्यान्ड कलेज व्यवस्थापन संकाय बाट प्रथम श्रेणीमा उत्तीर्ण हुँदै उच्च शिक्षा काठमाडौँबाट चार्टर एकाउन्ट अध्ययन पुरा गरी हाल खड्का रोजगारीको सिलसिलामा बिदेशमा बस्दै आएका छन् ।
विद्यालयको आर्थिक अवस्थालाई मध्यनजर गर्दै पूर्व विद्यार्थी खड्काले विद्यालयको चौतर्फी विकासको लागि आगामी दिनमा समेत सहयोग गर्ने बताए । उनले सम्पूर्ण पूर्व विद्यार्थीहरूलाई आफूहरूले अध्ययन गरेको विद्यालय विकासमा सहयोग गर्न समेत अनुरोध गरे । मङ्गलबार विद्यालयका शिक्षक कर्मचारी तथा विद्यार्थीहरूको उपस्थितिमा विद्यालय परिवारले पूर्व विद्यार्थी खड्कालाई धन्यवाद ज्ञापन समेत गरेका छन् ।