इटहरी । अखिल नेपाल खेलकुद महासंघ प्रदेश १ ले दोस्रो अधिवेशन सम्पन्न गरी नयाँ ६१ सदस्यीय प्रदेश कार्यसमिति निर्वाचित गरेको छ ।
सुनसरीको इटहरीमा शनिबार उद्घाटन भएको अधिवेशन आइतबार सम्पन्न भएको हो ।
प्रदेश स्तरमा अखिल नेपाल खेलकुद महासंघमा खेलाडीहरुलाई संगठित गर्न अधिवेशन आयोजना गरिएको हो ।
१४ जिल्लाबाट आएका १२९ प्रतिनिधिहरूद्वारा निर्वाचन समितिले अगाडि बढाएको प्रक्रियाबाट सर्वसहमत अध्यक्षमाः रितेश श्रेष्ठ निर्वाचित भएका छन् ।
उपाध्यक्षहरूमा– नयन श्रेष्ठ, गणेश मगर, योगेश थापा निर्वाचित भए । सचिवमा इन्द्रकुमार योञ्जन तामाङ निर्वाचित भए भने सहसचिवमा कृष्णबहादुर राई चाम्लिङ्ग र कोषाध्यक्षमा–जीवनी राई निर्वाचित भइन् ।
निर्वाचन समिति संयोजक राजेन्द्र किरातीद्वारा निर्वाचितहरुलाई प्रमाणपत्र वितरण र सपथ ग्रहण गराइएको छ ।
