इटहरी । नेपाल कम्युनिष्ट पार्टी (माओवादी केन्द्र) ले प्रदेश १ कार्यालयले प्रदेश स्तरीय बैठक तथा प्रशिक्षण आयोजना गरेकोछ ।
आउदो फागुन ३ गते मोरङको विराटनगरमा प्रदेश परिषद प्रशिक्षण आयोजना गरिएको प्रदेश सचिव गणेश उप्रेती (शुशील) ले जिल्लाहरुका सहइन्चार्ज, संयोजकहरु र सचिवहरुलाई सर्कुलर पठाएका छन् । फागुन ४ गते भने प्रदेश कमिटिको बैठक बस्नेछ ।
प्रदेश परिषद सदस्यलाई पार्टीका केन्द्रीय अध्यक्ष पुष्पकमल दाहाल (प्रचण्ड) र महासचिव देवप्रसाद गुरुङ्गले प्रशिक्षणलाई दिने कार्यक्रम रहेको प्रदेश उपाध्यक्ष एवम् प्रचार–प्रसार तथा प्रकाशन विभाग प्रमुख विजय साङपाङ्गले जानकारी दिए ।
प्रशिक्षणमा प्रदेश समिति सदस्य, प्रदेश सल्लाहकार, प्रदेश जेष्ठ कम्युनिष्ट मन्चका सदस्य सहभागि हुनेछन् । त्यसैगरि जवस मोर्चाका केन्द्रीय सदस्य, प्रदेश सदस्य र जिल्ला अध्यक्षहरु, प्रदेश विभागका प्रमुख, उपप्रमुख र सचिव सहभागि हुने प्रचार विभाग प्रमुख साङपाङ्गले बताए ।
साथै पालिका समिति अध्यक्ष (सम्मेलन भइसकेका पालिकाको हकमा हाल निर्वाचित र पूर्व अध्यक्षसमेत र मनोनित प्रदेश परिषद सदस्यसमेत प्रशिक्षणमा सहभागि हुन पाउने व्यवस्था गरिएकोछ ।
