कुमोद अधिकारी
विराटनगर । गरिवसंग विशेश्वशर कार्यक्रम अन्तर्गत विराटनगरका आवद्ध समुहका सदस्यहरुलाई सिपमुलक तालिम प्रदान गरिएको छ । गरिवसंग विशेश्वशर कार्यक्रम अन्तर्गत विराटनगर महानगरपालिकाका ८ र १४ नम्वर वडाका २८ जना महिलाहरुलाई अचार, पापड तथा जाम वनाउने तालिम प्रदान गरिएको हो ।
सात दिनसम्म भएको तालिममा सहभागीहरुलाई नेपाल घरेलु तथा साना उद्योग महासंघकी महासचिव एवम् महिला उद्यमी मालती नेपाल आचार्य र यशोधा मिश्रले तालिम दिएको संस्थाकी सामाजिक परिचालिका युवा भण्डारी आचार्यले वताइन् ।
तालिमा सहभागीहरुलाई आठ नम्वर वडाका वडा अध्यक्ष राम पोखरेल तथा विराटनगर महानगरपालिकाका सामाजिक विकास महाशाखा प्रमुख पुनम दाहालले प्रमाण पत्र प्रदान गरे ।
सो अवसरमा वोल्दै उनीहरुले आफुले सिकेको सिपलाई सहि रुपमा प्रयोग गर्न आग्रह गर्दै त्यसका लागि महानगरपालिका आर्थिक सहयोग गर्न तयार रहेको वताए । सहभागीहरुलाई आचार तथा तालिममा वनाइएका समाग्री समेत वितरण गरिएको थियो ।
त्यसै गरि उक्त सस्थाले महिलाहरुलाई सिलाई कटाई तथा कृषकहरुलाई कृषि सम्वन्धि तालिम प्रदान गर्दै कृषि उपकरण समेत प्रदान गरिसकेको युवा भण्डारीले वताइन् ।
