इटहरी । यलम्वर संवत ५०८३ को अवसर पारेर सुनसरीको इटहरीमा शुभकामना आदान प्रदान कार्यक्रम आयोजना गरियो ।
किराँत मुन्धुम अध्ययन केन्द्र नेपाल सुनसरी मोरङको संयुक्त आयोजनामा इटहरीमा यलम्वर संवत अन्तरगत नयाँ वर्ष ५०८३ को अवसरमा शुभकामना आदान प्रदान कार्यक्रम गरिएको हो ।
वसन्त राईको अध्यक्षता तथा किराँत मुन्धुम अध्ययन केन्द्र नेपालकी केन्द्रीय कोषाध्यक्ष माया राईको प्रमुख आतिथ्यमा भएको शुभकामना आदान प्रदान कार्यक्रमलाई आगामी दिनमा निरन्तरता दिदै जाने समेत वक्ताहरुले बताए । कार्यक्रममा किराँत राई सुन्निमा संघ इटहरीकी अध्यक्ष सिता राई लगायतका अतिथीहरुको सहभागिता रहेको थियो । यलम्वर संवत पुरानो संवत भएपनि सामुहिक रुपमा यो संवतका अवसरका कार्यक्रमहरु नहुने गरेको तर्फ मध्यनजर गर्दै आगामी दिनहरुमा सामूहिक रुपमा मनाइने समेत सो अवसरमा जानकारी गराइएको थियो ।
